Ўзбекистон Республикаси Вазирлар Маҳкамаси ҳузуридаги Солиқ қўмитаси

Жавоб

Soliq organlari soliq to‘lovchida aynan bir davr va bir xil soliqlar bo‘yicha bir martadan ortiq soliq auditini o‘tkazishga haqli emas. 👉 Soliq kodeksi 143-modda Soliq to‘g‘risidagi qonun hujjatlarida tekshiruvlarni o‘tkazish bo‘yicha boshqa cheklov mavjud emas. Soliq organining soliq tekshiruvini o‘tkazayotgan mansabdor shaxsi tekshirilayotgan shaxsdan tekshiruv uchun zarur bo‘lgan hujjatlarni talab qilib olishga haqli. Soliq tekshiruvi va soliq nazoratining boshqa tadbirlari jarayonida soliq organlari tekshirilayotgan shaxsning kameral yoki sayyor soliq tekshiruvlari o‘tkazilganda soliq organlariga ilgari taqdim etilgan hujjatlarni, shuningdek soliq monitoringini o‘tkazish jarayonida tasdiqlangan ko‘chirma nusxalar shaklida taqdim etilgan hujjatlarni tekshirilayotgan shaxsdan talab qilib olishga haqli emas. 👉 Soliq kodeksi 146-modda ❗️Ma'lumot uchun. 2022-yil 1-noyabrdan tadbirkorlik subyektlari faoliyatida o‘tkaziladigan barcha tekshiruvlar “Yagona davlat nazorati” axborot tizimida ro‘yxatga olinadi, kameral soliq tekshiruvlari bundan mustasno.

Жавоб

Vazirlar Mahkamasining 2021-yil 7-yanvardagi 1-sonli qarori bilan tasdiqlangan “Soliq tekshiruvlarini tashkil etish va oʻtkazish tartibi toʻgʻrisida”gi Nizomning 17-bandi oʻn birinchi xatboshisiga asosan Sayyor soliq tekshiruvlari yoki soliq auditini oʻtkazishda soliq toʻlovchilar quyidagi hollarda soliq organi mansabdor shaxslarini soliq tekshiruvini oʻtkazish uchun hududga va joylarga qoʻymaslikka haqli, agar: - sayyor soliq tekshiruvini oʻtkazish toʻgʻrisidagi buyruq belgilangan tartibda rasmiylashtirilmagan va buyruq nusxasi soliq toʻlovchiga berilmagan boʻlsa, soliq toʻlovchi uni olishdan bosh tortgan hollar bundan mustasno; - tekshiruvchi mansabdor shaxs tekshiruvni tayinlash toʻgʻrisidagi buyruqda koʻrsatilmagan, oʻz xizmat guvohnomasini koʻrsatmagan boʻlsa; - soliq tekshiruvini oʻtkazishning buyruqda koʻrsatilgan muddatlari boshlanmagan yoki oʻtib ketgan boʻlsa. Yuqoridagilarga asosan tekshiruvchi mansabdor shaxs oʻz xizmat guvohnomasini koʻrsatmagan boʻlsa, soliq organi mansabdor shaxslarini soliq tekshiruvini oʻtkazish uchun hududga va joylarga qoʻymaslikka haqlisiz.

Жавоб

Soliq kodeksining 138-moddasiga asosan Soliq toʻlovchi tegishli tuzatishlar kiritish toʻgʻrisidagi xabarnoma olingan kundan eʼtiboran oʻn kunlik muddatda aniqlashtirilgan soliq hisobotini yoki aniqlangan tafovutlarning asosnomasini taqdim etishi shartligi belgilangan. Bunday majburiyatning bajarilmaganligi soliq organi tomonidan soliq toʻlovchida kameral soliq tekshiruvini tayinlash uchun asos boʻladi.

Жавоб

Soliq kodeksining 139-moddasida (uchinchi qism) sayyor soliq tekshiruvlarini oʻtkazish chogʻida soliq organlari profilaktika tadbirlarini va xronometraj kuzatuvlarini amalga oshirishga, nazorat-kassa texnikasi va toʻlov terminallari qoʻllanilishini tekshirishga va soliq nazoratining boshqa tadbirlarini oʻtkazishga haqli.

Жавоб

Oʻzbekiston Respublikasining “Soliq maʼmuriyatchiligi takomillashtirilishi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida” 2022-yil 11-martdagi OʻRQ-758-sonli Qonuniga asosan, Soliq kodeksining 139-moddasining sakkizinchi qismi oʻz kuchini yoʻqotgan.

Жавоб

Soliq kodeksining 232-moddasiga asosan soliq organlarining sayyor soliq tekshiruvlari va soliq auditi natijalari boʻyicha qabul qilingan qarorlari ustidan shikoyat yuqori turuvchi soliq organiga qarorlari ustidan shikoyat qilinayotgan soliq organi orqali beriladi. Qarorlari ustidan shikoyat qilinayotgan soliq organi bunday ariza kelib tushgan kundan eʼtiboran uch kun ichida uni yuqori turuvchi soliq organiga barcha materiallar bilan birga yuborishi shart. Soliq organlarining sayyor soliq tekshiruvlari va soliq auditi natijalari boʻyicha qabul qilingan qarorlari ustidan shikoyat shaxs oʻz huquqlari buzilganligi toʻgʻrisida bilgan yoki bilishi kerak boʻlgan kundan eʼtiboran bir oy ichida berilishi mumkin. Ushbu muddat uzrli sababga koʻra oʻtkazib yuborilgan taqdirda, shikoyat berayotgan shaxsning iltimosnomasi boʻyicha yuqori turuvchi soliq organi tomonidan ushbu muddat tiklanishi mumkin.

Жавоб

Kameral soliq tekshiruvi quyidagi hollarda o‘tkaziladi: 🔹tahlika-tahlil dasturi ma’lumotlari asosida soliq qonunchiligi buzilishi sodir etilganligi xavfi mavjud bo‘lganda; 🔹soliq to‘lovchi taqdim etgan soliq hisobotida tafovutlar yoki xatolar aniqlanganda; 🔹soliq qonunchiligi talablarining buzilish holati haqida jismoniy yoki yuridik shaxsning murojaati soliq organiga tushganda; 🔹oldin taqdim etilgan soliq hisobotiga nisbatan soliq summasini kamaytiradigan yoki ko‘rilgan zarar summasini ko‘paytiradigan aniqlashtirilgan soliq hisoboti taqdim etilganda. Kameral soliq tekshiruvi soliq organi buyrug‘i asosida o‘tkaziladi. Tekshiruv da’vo muddati (5 yil) tugamagan soliq davrlariga nisbatan amalga oshirilishi mumkin. Kameral soliq tekshiruvining umumiy muddati 60 kundan oshishi mumkin emas. Tekshiruv davomida soliq organi soliq to‘lovchidan quyidagilarni talab qilib olishga haqli: 🔸hisobga olish hujjatlarini; 🔸taqdim etilgan soliq hisobotiga va hisobga olish hujjatlariga doir tushuntirishlarni; 🔸soliq hamda yig‘imlarni hisoblab chiqarish va to‘lash bilan bog‘liq boshqa axborotni. Kameral soliq tekshiruvi natijalari bo‘yicha xulosa tuziladi. Agar soliq hisobotidagi tafovutlar yoki xatolar aniqlansa, soliq organi 2 kun muddatda soliq to‘lovchiga aniqlangan tafovutlarni bartaraf etish to‘g‘risida talabnoma yuboradi. Soliq to‘lovchi ko‘rsatilgan xabarnomani olgan kundan e’tiboran o‘n kun muddatda aniqlashtirilgan soliq hisobotini yoki aniqlangan tafovutlarning asosnomasini taqdim etishi shart. Agar kameral soliq tekshiruvi o'tkazish chog'ida soliq to‘lovchi tomonidan soliqqa oid huquqbuzarlik sodir etilganligi aniqlansa, soliq qonunchiligi buzilganligi holatlarini qayd etuvchi dalolatnoma tuziladi. Soliqqa oid huquqbuzarlik to‘g‘risidagi dalolatnoma va kameral soliq tekshiruvining boshqa materiallari ko‘rib chiqilganidan keyin natijalari bo‘yicha qo‘shimcha soliqlar va penya hisoblash yoki ularni rad etishni nazarda tutuvchi qaror qabul qilinadi. Qaror, ikki kun ichida soliq to'lovchiga yuboriladi. Soliq organining kameral soliq tekshiruvi natijasida qabul qilingan qarori ustidan yuqori turuvchi soliq organiga yoki sudga shikoyat (https://t.me/soliqnews/8363) qilinishi mumkin. VMQ 1-son 2-ilova 07.01.2021-yil